Como chegar: Tren das Termas

Este curioso tren converteuse nun clásico da cidade e levaravos comodamente até as beiras termais do Miño. Tamén atoparedes pistas sobre outros medios de transporte. Ollo! Trátase de zonas peonís e os GPS enganan!

Desde a Praza Maior, no Centro Histórico, as termas da Chavasqueira (as máis próximas ao centro urbano) atópanse a algo máis de dous quilómetros a pé; podedes facer este traxecto nun paseo que vos levará unha media hora. Pero se queredes achegarvos a Outariz e Burga de Canedo, as últimas piscinas da Ruta Termal do Miño, a distancia aumenta até os 7 quilómetros. A alternativa máis cómoda é que utilicedes o Tren das Termas, que vos levará á zona termal de Outariz a través do corredor fluvial, con parada en todas as termas e cruzando os arcos da Ponte Vella, nun traxecto de algo máis de 30 minutos no que gozaredes dunhas bonitas vistas de Ourense. O tren sae da Praza Maior e podedes comprar alí directamente o billete a quen conduza. O prezo é o mesmo que o billete do autobús urbano, 0,85 €.

Existen dúas liñas máis de autobús ordinario que dan servizo parcialmente ás zonas termais do Miño. A liña 26 (Chavasqueira-Residencia) levaravos até este conxunto de piscinas ao comezo da Ruta, mentres que a liña 5 (Reza-Ceboliño) deixaravos no aparcadoiro de Pozas de Maimón, desde onde só teredes que cruzar a pasarela peonil para estar na área de Outariz e Burga de Canedo.

HORARIOS

Tren das Termas (tempada de verán)

  • Praza Maior: 10, 11, 12, 13, 16, 17, 18, 19, 20 h
  • Outariz: 11, 12, 13, 14, 17, 18, 19, 20, 21 h

L26 – Parada: Parque de San Lázaro – Laborables cada 30 minutos. Sábados, domingos e festivos, cada 70 minutos.

L5 – Parada: Parque de San Lázaro – Cada 80 minutos.

988 510 672 | www.urbanosdeourense.com

Se queredes unha sesión nocturna de termas, os taxis da cidade coñecen ben a zona e recolleranvos sen problema. Teletaxi: 988 210 011

O acceso ás zonas termais do río é peonil, polo que as indicacións do XPS poden xerar confusión. Dirixídevos aos aparcadoiros habilitados, desde os que poderedes acceder fácilmente cun corto paseo.

Ás termas en coche

Se preferides utilizar vehículo propio, debedes saber que a ruta termal do Miño é peonil e non poderedes transitar por ela. No entanto, existen tres zonas de aparcadoiro gratuíto moi próximas desde as que acceder comodamente ás termas.

  • Campo da Feira: acceso desde a rúa Ribeiriño. Próximo á Chavasqueira e ao Tinteiro.
    Coord. GM:42.347735, -7.878155 | GPS:N 42º 20′ 51.846″ O 7º 52′ 41.357″
  • Muíño da Veiga: acceso desde la N-120 (señalizado). Próximo a Muíño da Veiga e Outariz.
    Coord. GM: 42.352397, -7.909714 | GPS: N 42º 21′ 8.629″ O 7º 54′ 34.97″
  • Pozas de Maimón: acceso desde OU-402. Próximo a Outariz e Burga de Canedo.
    Coord. GM: 42.348291, -7.912312 | GPS: N 42º 20′ 53.84″ O 7º 54′ 44.23″
  • Ver aparcadoiros en mapa

En bicicleta

Este vehículo de dúas rodas ofrece a magnífica oportunidade de gozar da Ruta Termal do Miño de forma diferente. Na Chavasqueira e Outariz existen puntos de recollida do servizo municipal de aluguer de bicicletas.
Ler máis

Compartir

Roteiro termal do Miño: termas e natureza

A arteria verde da cidade concentra numerosos espazos termais onde descansar e desconectar da rutina.

A arteria verde da cidade concentra numerosos espazos termais onde descansar e desconectar da rutina.

Ler máis

Como chegar e moverse
Como chegar e moverse

Ler máis