As ribeiras do río Miño constitúen a grande arteria verde da cidade, varios quilómetros de exuberante vexetación polos que pasear, correr ou ir en bicicleta mentres admiramos a natureza e a paisaxe. No seu tramo máis occidental, despois da Ponte do Milenio, atopamos numerosos mananciais de auga termal, moitos deles acondicionados para o baño… Unha desas cousas que non podes perder se nos visitas.

O Roteiro Termal do Miño fórmano cinco quilómetros de senda peonil onde se concentran ata sete instalacións termais nas que descansar e relaxarnos mentres gozamos dun baño en plena natureza, sexa inverno ou verán.

A ruta comeza na marxe dereita do río, na zona termal da Chavasqueira, a máis próxima á cidade. Aquí poderemos elixir entre o ambiente de inspiración xaponesa da pequena estación termal da Chavasqueira ou un baño baixo as estrelas nas piscinas exteriores de acceso gratuíto.

O camiño continúa ata O Tinteiro, unha fonte-mirador moi frecuentada polos veciños da cidade e, desde aquí, á zona termal de Muíño da Veiga coas súas catro piscinas. Un pouco máis adiante, a Estación Termal de Outariz ofrece tratamentos de beleza, sauna e dous circuítos termais a prezos moi competitivos. Xusto antes da pasarela que cruza á marxe oposta atoparemos as piscinas de Outariz e Burga de Canedo, o maior centro de actividade termal en Ourense, ademáis de uso gratuíto. Na outra ribeira, en Reza, continúa o roteiro polo Paseo das Ninfas, onde veremos o último espazo termal desta zona, a fonte de Reza.

1
Termas da Chavasqueira
2
Estación termal da Chavasqueira
3
Fonte do Tinteiro
4
Termas do Muíño da Veiga
5
Estación termal de Outariz
6
Termas de Outariz e Burga de Canedo
7
Fonte de Reza

Termas da Chavasqueira

Estación termal da Chavasqueira

Fonte do Tinteiro

Termas do Muíño da Veiga

Estación termal de Outariz

Termas de Outariz e Burga de Canedo

Fonte de Reza

Pechar

A zona termal máis próxima ao centro urbano, trátase dun conxunto de piscinas naturais ao aire libre de acceso gratuíto.

Pechar

Recinto termal de inspiración xaponesa onde ademais do baño se pode gozar de sauna, masaxes e tratamentos de beleza.

Pechar

Unha das fontes termais máis queridas na cidade.

Pechar

Piscinas termais xunto a un antigo muíño a beiras do Miño.

Pechar

Un lugar de paz e relaxación a través das augas termais.

Pechar

A zona termal máis grande da cidade.

Pechar
Fonte de Reza
title_grouping

Este manancial no Paseo das Ninfas está alimentado por unha veta termal que cruza o Miño desde a ribeira oposta, cunhas augas moi similares ás da fonte do Tinteiro.